IKT KAPSULA-LANTEGIA
Multimedia tailerra: irudiak
IbilbideaGaitasun-mapaCopyRightLeft. Deskribapena eta funtzio nagusiakCopyRightLeft.. Instalazioa eta deskarga/ Web-lokaizazioaCopyRightLeft. Erabilera adibideakCopyRightLeft. Erabilera adibideakCopyRightLeft . Informazio gehiagoCopyRightLeft. IKT hiztegiaInfarView. Deskribapena eta funtzio nagusiakInfarView. Instalazioa eta deskarga / Web-lokalizaioaInfarView. Erabilera adibideakInfarView. Erabilera adibideakInfarView. Erabilera adibideakInfarView. Erabilera adibideakInfarView. Informazio gehiagoInfarView. Informazio gehiagoInfarView. IKT hiztegiaJing. Deskribapena eta funtzio nagusiakJing. Instalazioa eta deskarga / Web-lokalizazioaJing. Erabilera adibideakJing. Erabilera adibideakJing. Erabilera adibideakJing. Erabilera adibideakJing. Informazio gehiagoJing. Informazio gehiagoJing. IKT hiztegia
1 de 26
0%

Ibilbidea

Zer egingo dugu?

Kapsula-lantegi honetan, irudien ediziorako hiru tresna landuko ditugu:

CopyRightLeft

Oso tresna sinplea da, eta testua irudietan gainjartzeko erabiltzen da. Jatorrian, irudiaren lizentzia adierazteko legenda txertatzeko asmatu zen, baina edozein motatako testua irudi batean edo irudizko fitxategi-multzo batean gehitzeko erabil daiteke.

IrfanView

Irudiak bistaratzeko programa da. Oso leku gutxi hartzen du eta funtzionamendu erraza du. Freeware motako lizentzia du; beraz, doan eskura daiteke.

Besteak beste, aukera hauek ematen ditu: pantaila osoko aurkezpenak sortzea; aurkezpenok CD batean grabatzea; zenbait argazki konbinatzea, irudi bakar bat sortzeko; irudietan legendak edo laukiak gehitzea; irudiak ebakitzea eta kopia bat gordetzea.

Jing

Askotan, pantaila bat edo pantailaren zati bat kapturatzeko beharra dugu, edo programa batean ekintza jakin bat nola egiten den erakusteko bideoa egin nahi dugu. Ekintza horiek guztiak egiteko, Jing erabil dezakezu, pantaila-kapturak egiteko tresna baita, irudi finkoak nahiz mugimenduzkoak kapturatzeko balio duena.

Zer urrats egingo ditugu?

Aplikazio horietako bakoitza aurkeztuko dugu, eduki-egitura honi jarraiki:

  • Deskribapena eta funtzio nagusiak

  • Erabilera-adibideak

  • Informazio gehiago

  • IKT hiztegia (hala behar izanez gero)

Nola aurkeztuko dizkizuegu materialak?

Zenbait formatu konbinatuko ditugu, kapsula-lantegiko edukiak lantzeko zenbait aukera emateko:

  • Material guztiaren bertsio inprimagarria, PDF formatuan.

  • Bertsio elektronikoa, WEB formatuan.

  • Zenbait ataletan, bideo bidezko tutoriala.

Beste kapsula-lantegi batzuetan, beste aplikazio batzuk jorratuko ditugu. Zuentzat erabilgarriak izango direla espero dugu.

Gaitasun-mapa

IKTko gaitasunak*
(ardatzetan sailkatuta)

G. Kudeaketa eta garapen profesionala

D. Didaktika, pedagogia eta curriculuma

C. Hiritartasun digitala

G2. Ulertzea zer aukera ematen duten IKTek, administrazioko eta irakaskuntzako kudeaketa errazteko materialak sortzeko (zerrendak, ikasgelarako txartelak, karatulak, gurasoentzako informazio-buletinak, mahai-jokoak, ikasturteko lanerako bizikidetza-arauak...).
G4. Tutorialak zer diren ulertzea, eta laguntza gisa erabiltzea IKTko edozein baliabide ikasteko.
G7. Multimedia-edukiekin lotutako oinarrizko eragiketak egitea (formatua; irudi bat, soinua, testua edo bideoa txertatzea; argazki bat webgune batetik deskargatzea)
G8. Erraztasunez erabiltzea Interneteko zerbitzuak informazioa bilatzeko (programak lortzea eta deskargatzea).
C3. Lizentzia-programak aplikatzea (GPL eta CreativeCommons, adibidez) ikasleen produkzioetarako.
C1. Gizabanakoen datuak eta nortasuna babesteko arau eta erabilera-politika onartuak ezagutzea, betetzea eta betearaztea, batik bat, eskola-adinean dauden gazteen kasuan.

IKT edukiak
  • CopyRightleft, Jing eta Irfanview deskargatzea eta instalatzea.
  • Irudien lizentzia-motak.
  • Legendak jartzea irudi batean.
  • Irudiak bistaratzea Irfanview erabiliz.
  • Irudiak aldatzea Irfanview erabiliz
  • Pantailako irudi finkoak edo mugimenduan daudenak kapturatzea Jing erabiliz.
  • Jing erabiliz egindako kapturak konpartitzea web 2.0 zerbitzu baten bidez
Gutxieneko ezagutzak
  • Oinarrizko kontzeptuak tresna informatikoei eta sistema eragileari buruz.
Autoebaluaziorako irizpideak
  • Testu-legenda bat jartzea irudi batean CopyRightleft erabiliz.
  • Irudi bat ebakitzea Irfanview erabiliz
  • Irudi-aurkezpen bat sortzea Irfanview erabiliz.
  • Irudi finko bat kapturatzea Jing erabiliz, eta gordetzea.
  • Bideo bat grabatzea Jing erabiliz eta web-zerbitzu baten bidez konpartitzea.

* "Eskola 2.0" proposameneko LH 5. mailako ikasleentzako IKT konpetentzien itemak. Eranskinatik aterata "IKT Konpetentzia mapak".

CopyRightLeft. Deskribapena eta funtzio nagusiak

Logo CopyRightLeft

CopyRightLeft

http://www.lunerouge.org/

CopyRightLeft programa sinplea da, eta irudietan testua gainjartzeko balio du.

Jatorrian, tresna hori irudietan lizentziari zegokion legenda gehitzeko asmatu zen: copyright-a, argazkiaren egilearen izena, argazkiari buruzko beste daturen bat.

CopyRightLeft.. Instalazioa eta deskarga/ Web-lokaizazioa

  • CopyRightLeft instalatzeko, sartu haren web-orrian:

http://www.lunerouge.org/spip/rubrique.php3?id_rubrique=36

  • Egin klik programaren izenean: CopyRightLeft 0.4 Beta

CopyRightLeft beta 0.4

  • Egin klik fitxategiaren izenean.

Archivo zip

  • Ireki fitxategia deskargatu duzun karpeta hori, Descargas (Deskargak) leihoan. Horretarako, jarri saguaren eskuineko botoia copyrightleft.zip fitxategiaren gainean, eta hautatu Abrir carpeta contenedora (Ireki kabinete-karpeta) aukera:

Abrir archivo zip

  • Deskonprimitu fitxategia, eskuineko botoia haren gainean jarriz:

Extraer ficheros

  • Sartu deskonprimitzean sortutako karpetan, eta egin klik bikoitza setup.exe fitxategi exekutagarrian.

Instalazio-morroi bat exekutatuko da.

  • Egin klik Next (Hurrengoa) aukeran, lehenespenezko ezarpenak hautatzeko pantaila bakoitzean.

Siguiente

  • Azken pantailan, Readme (Irakurri) fitxategia irakurtzeko kontrol-laukia aktibatuta utz dezakezu. Fitxategi horrek jarraibideak ditu ingelesez. Egin klik Finish (Amaitu) aukeran, amaitzeko.

Finalizar instalación

  • Programen menuan, CopyRightLeft 0.4 Beta izeneko multzo bat aurkituko duzu. Lanean hasteko, egin klik CopyRightLeft aukeran.

Programa CopyRightLeft

CopyRightLeft. Erabilera adibideak

  • Ireki ordenagailuan duzun irudiren bat, Open File (Ireki fitxategia) ikonoa erabiliz. Zuk sortutako irudirik ez baduzu, Wikimedia Commonsen bila dezakezu, edo irudi-banku batean , baina legenda bat gehitu beharko duzu, irudiaren egilea eta jatorria adieraziz.

Abrir imagen

  • Zure disko gogorreko karpetak irekitzean, baliteke fitxategirik ez ikustea. Egin klik beheko goitibeherako zerrendan, eskuinean, adierazteko zer motatako fitxategiak ikusi nahi dituzun, edo hautatu All files (Fitxategi guztiak), fitxategi guztiak ikusteko.

Todos los archivos

  • Irudia ireki eta gero, lanean has zaitezke: egin klik Add Copyright (Gehitu Copyright) botoian.

Añadir copyright

  • Leiho bat ikusiko duzu, eta bertan, zenbait aukera hautatu ahal izango dituzu, irudiari gehitu behar diozun testurako:

    • Change Background Color – (Aldatu hondoko kolorea).

    • Change Foreground Color – (Aldatu testuaren kolorea).

    • Change shadow color – (Aldatu itzalaren kolorea).

    • Change glow color – (Aldatu distiraren kolorea).

    • Change font – (Aldatu letra-tipoa).

    • Shift X / Shift Y – Desplazamendu bertikala / horizontala.

    • Transparent background – Kontrol-lauki hori aktibatzen baduzu, testuak hondo gardena izango du.

    • Shadows – Aktibatu lauki hori, testuari itzala gehitzeko.

    • Glow – Aktibatu lauki hori, testuaren inguruan argitasuna gehitzeko.

    • Below the image – Testua irudiaren azpian txertatzen du.

CopyRightLeft. Erabilera adibideak

  • Idatzi testua Copyright text laukian, eta erabili Add symbol (Gehitu sinboloa) botoia, sinboloren bat gehitu behar baduzu.

Texto copyright

  • Hauek ere alda ditzakezu: testua egongo den eremuaren tamaina (Heigt of zone in pixel), testuaren biraketa (Rotation in degrees) eta lerrokadura horizontala eta bertikala irudiaren barruan (left – ezkerrean, center – erdian, right – eskuinean / up – goian, center – erdian, down – behean).
  • Ok botoian klik egitean, zure irudia ikusiko duzu, testua hautatutako aukeraren arabera gehituta duela.

Imagen con texto

  • Erabili File (Fitxategia) menuko Undo (Desegin) aukera, legenda kentzeko eta beste bat konfiguratzeko. Behin gehitutako testua ikusten den moduarekin gustura zaudenean, irudia gorde dezakezu; horretarako, erabili Save file (Gorde fitxategia) botoia, edo File (Fitxategia) menuko Save image (Gorde irudia) aukera.
  • Batch processing (Batch tratamendua) botoian klik egiten baduzu (edo Image -hau da, Irudia- menuan Batch processing hautatzen baduzu), karpeta bat hauta dezakezu (Select a directory; hau da, Hautatu direktorio bat), eta karpeta bateko fitxategi guztiak aldi berean prozesatu.

Procesar toda la carpeta

CopyRightLeft . Informazio gehiago

Zenbait lizentzia-mota desberdin daude irudi eta testuetarako.

Lizentziak testuak dira, eta egileek beren lanentzat hautatzen dituzten zenbait baimen adierazten dituzte. Legezko izaera dute eta obren egileak babesten dituzte.

Irudi baten egilea bazara, aukera hauek dituzu:

  • Besteei ez uztea zure irudia zure baimenik gabe erabiltzen. Eskubide guztiak zuretzat gordetzen dituzu.

  • Besteei uztea zure irudia erabiltzen, baldin eta zure aipamena egiten badute. Zuretzat gordetzen duzu egiletzat aipatua eta aitortua izateko eskubidea.

  • Besteei ez uztea zure irudia merkataritza-helburuetarako erabiltzen (lizentzia “ez-komertziala”)

  • Besteei ez uztea zure irudia erabiltzen beste irudi batzuk sortzeko (“eratorritako obretarako” baimena ematen ez duen lizentzia)

  • Besteei uztea zure irudiaren edozein erabilera egiteko, zure aipamenik egin gabe (“domeinu publikoa”).

Eta nola babesten dira irudi baten egile-eskubideak?

Ez baduzu nahi beste inork zure obra bat erabiltzea, hobe duzu Interneten ez argitaratzea. Zenbait herrialdetan, jabetza intelektualari buruzko legedia ez da oso zorrotza edo ez da betearazten.

  • Eskubide guztiak zuretzat gorde nahi badituzu, idatzi zure izena eta “eskubide guztiak gordeta” legenda. Kultura Ministerioaren web-orrian, jabetza intelektuala erregistratzeari buruzko informazio gehiago eskuratu ahal izango duzu.

  • Hala ere, zure lana konpartitu nahi baduzu, nahikoa da legenda bat gehitzea irudia argitaratzen duzun webgunean, erabiltzaileei eman nahi dizkiezun baimenak adieraziz, eta, horrez gain, zure herrialdeko Creative Commonseko webgunerako esteka bat jartzea, hautatutako lizentzia adieraziz.

  • Irudian edo irudia argitaratzen duzun webgunean, idatzi “eskubide batzuk gordeta” legenda, eta hautatu lizentzia-mota bat Creative Commons Españako lizentzien zerrendatik. Halaber, hau idatz dezakezu “Obra hau babestuta dago, Creative Commons Reconocimiento lizentziako baldintzen arabera” (edo “ez-komertziala – eratorrietarako ez – berdin konpartitu”, eta horien konbinazio guztiak).

Creative Commons

Licencia a la obra

  • Behin inprimaki bateko galdera batzuei erantzun eta gero, zure obran txertatzeko kodea ikusiko duzu, hautatutako lizentzia adierazten duena, bai eta dagozkion logotipoak ere:

Licencia escogida

  • Kodea kopiatu beharko duzu (“<a rel=’licence’ href=”http://creativecommons.org/licences/…” hitzez hasten den testu-koadrotik), eta zure web-orriko kodean itsatsi, logotipoa eta lizentziaren testurako esteka ikus dadin:

Código

CopyRightLeft. IKT hiztegia

  • CopyRight: ingeleseko hitza, egile-eskubideak adierazteko forma tradizionala; hau da, lanaren eskubide guztiak gordetzea.

  • CopyLeft: hitz-joko bat da. Eskuina hitza (right) ezkerra hitzaz (left) ordezten da. Ingelesez, left hitzak egiten utzi, eman adieraz dezake. Beraz, ia itzulpen literalaz gain (“egile-ezkerrak”), badago esaterik CopyLeftek egileak komunitateari uzten edo ematen dizkion eskubideak adierazten dituela.

InfarView. Deskribapena eta funtzio nagusiak

IrfanView irudiak zure ordenagailuan ikusteko programa bat da.

  • Aukera ematen du irudiak ebakitzeko; irudiei zenbait elementu gehitzeko (esaterako, zirkuluak edo lerroak); irudi berriak sortzeko, irudi-multzo bat konbinatuz; eta aurkezpenak sortzeko, diapositibak erabiliz.

  • Banakako ikustaile bat du, irudiak banaka ikusteko, eta beste bat, karpeta bateko koadro txikiak erakusten dituena, irudi horiek lantzeko.

  • Fitxategi-formatu asko landu daitezke programa horren bidez, bai formatu tradizionalenak (BMP, JPEG, PNG eta TIF), bai berrienak (GIF animatuak eta ICO).

InfarView. Instalazioa eta deskarga / Web-lokalizaioa

  • Sartu IrfanVieweren web-orrian:

http://www.irfanview.com/

  • Egin klik Irfanview aukeran, Download (Deskargatu) laukian:

Descargar InfarView

  • Egin klik Download Now (Deskargatu orain), instalazio-fitxategia deskargatzen hasteko:

Descargar

  • Lehenik eta behin, zure ordenagailuan gorde beharko duzu.

Guardar archivo

  • Exekutatu fitxategia, haren gainean klik bikoitza eginez.

Ejecutar archivo

  • Nabigatzaileak segurtasun-ohar bat erakutsiko dizu. Hala ere, exekutatu fitxategia.

Advertencia seguridad

  • Instalaziorako tutoriala abiaraziko da. Onartu lehenespenezko aukerak; horretarako, egin klik Siguiente (Hurrengoa) aukeran.

Asistente instalación

  • Hirugarren pantailan, Irfanview programarekin lotu daitezkeen fitxategi-moten zerrenda ikusiko duzu. Irfanviewekin lotzeak esan nahi du mota horretako fitxategi batean klik bikoitza egitean programa hori erabiliko dela fitxategia irekitzeko. Agian, ez duzu nahi horrela gertatzerik.

    • IrfanView programak prozesatu ahal ditzakeen fitxategi guztiak klik bikoitza egitean irekitzea nahi izanez gero, egin klik Select All (Hautatu denak) botoian.

    • Programarekin irudiak soilik lotu nahi izanez gero, egin klik Images only (Irudiak soilik) aukeran.

    • Instalatzean, ez baduzu nahi lehendik ordenagailuan irudiak ikusteko zenuen modua aldatzerik, hautatu None (Batere ez).

Hori geroago alda dezakezu, erabaki horrekin gustura ez bazaude.

  • Gero, egin klik Siguiente (Hurrengoa) aukeran.

Archivos asociados

  • Jarraitu Siguiente (Hurrengoa) sakatzen, lehenespenezko aukerak onartzeko. Instalatzen hasi aurretik, programak berriz galdetuko dizu zure ordenagailuan irudiak irekitzeko modua aldatu nahi duzun. Dena dela, onartu, hori geroago alda baitezakezu.

Iniciar instalación

  • Instalazioa egiten jarraituko da. Amaitzean, mezu hau ageriko da pantailan Installation Successfull! (Instalazioa behar bezala egin da!). Egin klik Done (Amaitu) botoian.

Instalación realizada

Gehien egiten diren galderen eta haien erantzunen orria irekiko da nabigatzailean.

  • Programaren hizkuntza aldatzeko, sartu berriz IrfanViewen web-orrian. Egin klik IrfanView languages aukeran, eta hautatu nahi duzun hizkuntza:

Descargar idioma

  • Egin klik Install (Instalatu) botoian.

Instalar

InfarView. Erabilera adibideak

  • Programa irekitzeko, bilatu Irfanview multzoa Programas (Programak) menuan.

Programa InfarView

  • Lehenik eta behin, instalatutako hizkuntza hautatuko dugu. Horretarako, Change language… (Aldatu hizkuntza) aukera erabiliko dugu, Options (Aukerak) menuan.

Cambiar idioma

  • Hautatu instalatutako hizkuntza zerrendan, eta egin klik OK botoian.

Escoger idioma

Orain, menuak hautatutako hizkuntzan egon behar du.

  • Hasteko, ireki irudi bat Abrir (Ireki) botoia erabiliz. Halaber, O tekla (Open; hau da, Ireki) erabil dezakezu, edo Archivo (Fitxategia) menuko aukera.
  • Bilatu zure irudien karpeta, eta hautatu irudiren bat, zati bat ebaki nahi diozuna.
  • Bistaratzean, irudiari buruzko informazioa ikusiko duzu azpian:

Información imagen

    • Tamaina (adibideko irudian, 2304 x 3072),

    • koloreen sakontasuna (adibidean, 24 BPP),

    • karpetan duen posizioa (karpetako 105 irudietatik 45.a),

    • irudiaren hurbiltze-maila (adibidean, irudia % 21ean ikusten ari gara),

    • irudiaren pisua megabytetan, bai diskoan, bai memorian,

    • irudiaren aldatze-data.

  • Informazio gehiago lortu ahal izango duzu, Información de la imagen (Irudiari buruzko informazioa) botoian klik eginez gero:

Botón Información imagen

InfarView. Erabilera adibideak

Irudiak ordenagailuan bistaratzea

  • Irudi-fitxategi bat irekitzean, fitxategi horren karpeta osoaren edukia ikusi ahal izango duzu, tresna-barrako Archivo anterior en el directorio (Direktorioko aurreko fitxategia) eta Archivo siguiente en el directorio (Direktorioko hurrengo fitxategia) geziak erabiliz.

Archivo anterior y siguiente

  • Halaber, irudia gertuago edo urrunago ikusi ahal izango duzu Aumentar zoom (Handitu zooma) eta Disminuir zoom (Gutxitu zooma) botoien bidez.

Aumentar disminuir zoom

  • Egungo karpetatik fitxategi bat ezaba dezakezu, Borrar archivo (Ezabatu fitxategia) ikonoan klik eginez gero.

Borrar archivo

Irudiak aldatzea

  • Trazatu laukizuzen bat, saguaren ezkerreko botoia sakatuta duzula. Horrela, irudiaren eremu bat hautatuko duzu, irudia ebaki ahal izateko.
  • Trazatu duzun lehen eremuarekin gustura ez bazaude, jarri saguaren erakuslea hautaketaren ertz batean. Gezi bikoitz bat ageriko da, adierazteko lehen trazatutako laukizuzenaren ertzak alda ditzakezula.

Seleccionar zona

  • Hautatutako eremua irudi bihurtzeko, irudiaren gainerako zatia kenduz, hautatu Cortar (por fuera de la selección) aukera (hau da; Ebaki, hautaketatik kanpokoa), Editar (Editatu) menuan.

Cortar por fuera

Hautatutako zatia soilik geratuko da irudian.

Imagen reducida

InfarView. Erabilera adibideak

  • Erabili Guardar como (Gorde honela) aukera, zati hori irudi berri gisa gordetzeko.

Botón Guardar como

  • Orain, elementuren bat gehituko diogu argazkiari. Horretarako, pintatzeko tresna-barra beharko dugu (Painteko barra).

Barra de Paint

  • Laukizuzen bat trazatuko dugu, gero bertan testu bat idazteko.

    • Egin klik karratuak eta laukizuzenak marrazteko tresnan (Herramienta para trazar cuadrados y rectángulos).

    • Zehaztu ertzaren zabalera, Ancho (Zabalera) aukerako goranzko edo beheranzko geziak erabiliz.

    • Aktibatu Relleno (Betegarria) kontrol-laukia.

    • Egin klik koloreetako bakoitzean, eta paletan, hautatu kolore bat betegarriarentzat eta beste bat ertzarentzat.

Herramientas Paint

  • Trazatu laukizuzen bat irudian. Nahasten bazara, erabili Deshacer (Desegin) botoia:

Botón Deshacer

  • Uneren batean Deshacer (Desegin) botoia desaktibatuta badago, oraindik ere aukera duzu jatorrizko irudia berreskuratzeko. Horretarako, Archivo (Fitxategia) menuko Reabrir (Ireki berriz) aukera erabili behar duzu.
  • Orain, egin klik Añadir texto (Gehitu testua) ikonoan.

Añadir texto

InfarView. Erabilera adibideak

  • Gero, egin klik laukizuzenean, testuak zer lekutan egon behar duen adierazteko. Idatzi probako testu bat (letra gutxi batzuk), eta sakatu Previsualizar (Aurrebista) aukera, testua behar bezala kokatuta dagoen ikusteko (testua non dagoen ikusteko, botoia sakatuta izan beharko duzu).

Previsualizar

  • Egindakoa ezeztatu dezakezu, eta beste leku batean klik egin, behar adina aldiz, nahi duzun kokapena aurkitu arte. Gero, hautatu testuaren kolorea, letra-tipoa, eta letra-tipoaren tamaina.

Fuente y tamaño

  • Halaber, letra lodiaren, etzanaren, azpimarratuaren eta marratuaren ikonoa aukera dezakezu, edo testua ezkerrean, erdian edo eskuinean lerrokatu.

Iconos formato

  • Orain bai, idatzi behin betiko testua eta bistaratu, Aceptar (Onartu) sakatu aurretik.

Aceptar

InfarView. Informazio gehiago

Diapositiben aurkezpenak sortzea

  • Egin klik Presentación de imágenes (Irudien aurkezpena), pantaila osoko aurkezpena sortzeko.

Presentación de imágenes

  • Hautatu irudiak. Horretarako, goiko laukitik beheko laukira arrastatu behar dituzu:

Arrastrar imagen

  • Zehaztu diapositiba bakoitzaren esposizio-denbora:

    • Automático tras … segundos (Automatikoa, … segundo ondoren). Adierazitako denbora-tartea igaro eta gero, aurkezpenak aurrera egingo du eta zerrendako hurrengo irudia erakutsiko du.

    • Automático tras presionar ratón/teclado (Automatikoa, sagua/teklatua sakatu ondoren). Aurkezpena irudi guztietan geldituko da, eskuineranzko gezia sakatu arte. Orduan, zerrendako hurrengo irudia ageriko da.

    • Aleatorio tras … segundos – (Ausazkoa, … segundo ondoren). Adierazitako denbora-tartea igaro eta gero, aurkezpenak aurrera egingo du eta zerrendako irudi bat erakutsiko du, ausaz hautatua.

    • Aleatorio tras presionar ratón/teclado - (Ausazkoa, sagua/teklatua sakatu ondoren). Aurkezpena irudi guztietan geldituko da, eskuineranzko gezia sakatzen den arte. Orduan, zerrendako irudi bat ageriko da, ausaz hautatua.

  • Halaber, aurkezpena etengabe errepikatzeko aukera dezakezu, Presentación en bucle (Begiztako aurkezpena) kontrol-laukia aktibatuz gero.

Presentación en bucle

  • Hautatutako irudiak gehitzeko (Agregar; hau da, Gehitu) edo karpetako irudi guztiak gehitzeko (Agregar todo; hau da, Gehitu dena) botoiak ere erabil ditzakezu.
  • Egin klik zerrendako irudi bakoitzean, bistaratzeko, eta aurkezpenetik kendu nahi baduzu, egin klik Quitar (Kendu) botoian.

Quitar imagen

  • Erabili Reproducir presentación (Erreproduzitu aurkezpena) botoia, diapositibak ikusteko, eta Guardar como archivo EXE/SCR (Gorde EXE/SCR fitxategi gisa), berriz, aurkezpenarekin fitxategi exekutagarri bat sortzeko.

InfarView. Informazio gehiago

Disko gogorreko irudiak arakatzea

  • Erabili T letra, edo hautatu Archivo (Fitxategia) menuko Miniaturas (Koadro txikiak) aukera, irudien karpetako koadro txikiak ikusteko.

Miniaturas

  • Egin klik karpetetan (ezkerrean), haien edukia ikusteko, eta klik bikoitza irudietan (eskuinean), IrfanView programa erabiliz irekitzeko.

Fitxategiak berriz lotzea

Erabakitzen baduzu ez duzula nahi IrfanView programa erabiltzea fitxategiak irekitzeko fitxategi-motaren batean klik bikoitza egitean, programaren eta fitxategi-mota horren arteko lotura alda dezakezu.

  • Ireki karpeta bat Windows esploradorea erabiliz, eta sakatu saguaren eskuineko botoia mota horretako irudi baten gainean.
  • Hautatu Abrir con (Ireki honekin) aukera, eta, aukera horren barruan; Elegir programa predeterminado (Hautatu lehenetsitako programa).

Elegir programa predeterminado

  • Hautatu zer aplikazio erabili nahi duzun mota horretako fitxategiak irekitzeko, eta aktibatu Usar siempre el programa seleccionado para abrir este tipo de archivos (Erabili beti hautatutako programa, mota horretako fitxategiak irekitzeko) kontrol-laukia. Sakatu Aceptar (Onartu) botoia.

Aceptar programa predeterminado

InfarView. IKT hiztegia

  • Irudi-formatua: koloreak eta formak ordenagailuan gorde ahal izateko kodetzen diren modua da irudiaren formatua. Formatu batzuk oso onak dira argazkietarako (JPEG); beste batzuk, gardentasuna onartzen dute, baina pisu handiagoa dute (PNF); eta beste batzuk, kolore asko gordetzerik ez duten arren, aukera ematen dute animazioak sortzeko (GIF).

  • Koadro txikiak: karpeta bateko irudiak tamaina txikian bistaratzeko modua, direktorioaren ikuspegi orokorra izateko.

Jing. Deskribapena eta funtzio nagusiak

Jing pantailako irudi finkoak kapturatzeko edo pantailan ageri dena filmatzeko programa da.

  • Pantailaren argazki bat lor dezakezu, eta zure disko gogorrean gorde, edo ScreenCast.com web-orrian argitaratu, doako kontu batean. Kontu horiek 2 GB-ko biltegiratze-muga dute.
  • Halaber, tutorialak sortu ahal izango dituzu, saguaren bidez egiten duzuna filmatzeko aukera baitago, bai eta mikrofonoa irekitzeko aukera ere, kontakizun bat edo jarraibide batzuk gehitzeko.

Jing. Instalazioa eta deskarga / Web-lokalizazioa

  • Sartu Jingen web-orrian:

http://www.jingproject.com/

  • Egin klik deskargatze-botoian, zer sistema eragile duzun kontuan hartuta:

Descargar Jing

  • Exekutatu deskargatutako instalazio-fitxategia, haren gainean klik bikoitza eginez.

Ejecutar archivo

  • Segurtasun-ohar bat ikusiko duzu. Hala ere, exekutatu fitxategia.

Advertencia seguridad

  • Onartu programaren erabilera-baldintzak. Horretarako, aktibatu I accept the fine print (Informazio xehea onartzen dut) kontrol-laukia. Egin klik Install (Instalatu) botoian, jarraitzeko.

Instalar

Jing. Erabilera adibideak

  • Jing lehen aldiz exekutatzean, sarrera-animazio bat duen pantaila ikusiko duzu. Erabili Replay (Errepikatu) botoia, animazioa berriz ikusteko, edo Continue (Jarraitu) botoia, programan sartzeko.

Animación

  • Erabiltzaile bat sortu beharko duzu, eta hauek adierazi: posta elektronikoko helbidea (Email), zure erabiltzailerako zer izen erakustea nahi duzun (Display name), gako bat (Password) eta zure herrialdea (gogoan izan izena bilatzeko zerrenda ingelesez dagoela, ordena alfabetikoan).
  • Egin klik Create (Sortu) aukeran, jarraitzeko.

Crear usuario

Jing programa funtzionatzen ari den bitartean, eguzki bat ikusiko duzu pantailaren goiko aldean:

Jing en funcionamiento
  • Hurbildu sagua, eta hiru aukera ageriko zaizkizu:

Tres opciones
  • Egin klik Capture (Kapturatu) botoian:

Botón Capture
  • Pantailaren zer eremu kapturatu nahi duzun zehaztu beharko duzu (sagua arrastatu behar duzu, ezkerreko botoia sakatuta duzula).

Zona a capturar

Jing. Erabilera adibideak

Hautatutako eremua ikusiko duzu, eta zenbait botoi haren azpian.

  • Egin klik lehenbiziko botoian, irudi geldi bat kapturatzeko.

Capturar imagen

  • Itxaron segundo batzuk, eta agertuko zaizun pantailan, fitxategi-izen bat idatzi ahal izango duzu (Name -hau da, Izena- testu-koadroan). Gorde ikusten ari zaren irudia, Save (Gorde) botoia erabiliz.

Nombre de archivo

  • Irudia gorde aurretik, ezkerreko botoiak erabil ditzakezu, testu bat edo lauki bat gehitzeko, edo kapturaren eremuren bat nabarmentzeko:

Añadir texto

  • Irudia gordetzean, leiho txiki bat ikusiko duzu, arbelean dagoen fitxategiaren bide-izena adierazten duena; hau da, Pegar (Itsatsi) aukera zure nabigatzailean erabil dezakezu, edo irudien ediziorako programa batean, kaptura ikusteko.

Captura salvada

  • Halaber, pantailaren kaptura ScreenCast zerbitzuaren bidez konpartitu dezakezu, lehenbiziko botoia erabiliz:

Botón ScreenCast

Minutu batzuk geroago, leiho bat ikusiko duzu, prozesua amaitu dela eta irudiaren helbidea itsasteko prest dagoela adierazten duena:

Captura enviada

  • Ireki leiho bat zure nabigatzailean, eta sakatu CTRL+V, edo hautatu Pegar (Itsatsi) aukera, Editar (Editatu) menuan.
  • Halaber, helbide hori gizarte-sare batean, posta elektronikoko mezu batean edo microblogging-eko zerbitzu batean (esaterako, Twitter edo Identi.ca) itsas dezakezu.

Pegar dirección

Jing. Erabilera adibideak

Bideoa kapturatzea

Bideo bidezko tutorial bat edo, besterik gabe, pantailan ikusten dena grabatuz film bat egin nahi baduzu, hori egiteko prozesua eta aurrekoa oso antzekoak dira:

  • Egin klik Capture (Kapturatu) aukeran.

  • Hautatu bideoa pantailako zer eremutan erregistratuko den.

  • Egin klik bigarren botoian: Capture video (Kapturatu bideoa).

Capturar video

  • Atzerako kontaketa ikusiko duzu, eta adieraziko zaizu mikrofonoa mututu edo aktibatu dezakezula. Zenbakiaren azpian Mic On (Mikrofonoa aktibatuta) legenda badago, mikrofonoak inguruko soinua jasoko du eta, pantailaren edukia filmatu ahala, hitz egin ahal izango duzu. Mute hitza ikusten baduzu, mikrofonoa desaktibatuta izango da. Egin klik mikrofonoan Mute eta Mic On aukeren artean hautatzeko.

Activar micrófono

  • Hasi pantailan erakusten bideoan ikustea nahi duzuna. Mikrofonoa aktibatu baduzu, hitz egin saguaz eta teklatuaz ekintzak egin ahala.
  • Erabili Jingeko botoiak filmazioa gelditzeko edo eteteko; mikrofonoa aktibatzeko edo desaktibatzeko; ekintza bat desegiteko; edo bideoa sortzeko prozesua bertan behera uzteko.
  • Egin klik Stop (Gelditu) aukeran, amaitzeko.

Botón Stop

  • Egin klik erdiko botoian, bideoa erreproduzitzeko.

Jing. Erabilera adibideak

  • Erreparatu fitxategiaren izenari (pantailaren beheko aldean dago). Gorde baino lehen aldatzeko aukera duzu.

Nombre de archivo

  • Erabili Save (Gorde) botoia, bideoa gordetzeko.

Guardar video

  • Grabazioa behar bezala egin dela adierazten duen leihoa ikusiko duzu berriz, eta bideoaren helbidea arbelean dagoela. Erabili Pegar (Itsatsi) aukera, fitxategiaren helbidea lortzeko.
  • Bideoarekin lan egiten jarraitzeko, erabili History (Historiala) botoia:

Botón historial

  • Hor, Jing bidez grabatutako azken bideoak ikusiko dituzu. Klik eginez, hautatu online zein argitaratu nahi duzun.
  • Egin klik lehenbiziko botoian, bideoa ikusteko:

Ver video

  • Behin hor sartuta, zure bideoa online argitara dezakezu, Share via Screencast.com (Konpartitu Screencast.com bidez) botoian klik eginez:

Compartir vía ScreenCast

  • History (Historiala) pantailan, zure bideoaren kokapen lokala berriz lortu ahal izango duzu, Share (Konpartitu) botoia erabiliz:

Botón Compartir

  • Halaber, bideo bat ezabatu ahal izango duzu historialetik eta zure ordenagailuaren disko gogorretik, Delete (Ezabatu) botoia erabiliz gero:

Eliminar video

Jing. Informazio gehiago

Jingen hirugarren aukeran, konfigurazio-pantaila batean sartuko zara, eta bertan, teklen konbinazio bat aukeratu ahal izango duzu, une jakin batean pantailaren kaptura egiteko.

  • Egin klik More (gehiago…) aukeran, Jingen konfigurazio-aukeretan sartzeko.

botón Más

  • Programa baten une jakin bat kapturatu behar baduzu, hautatu teklatu-lasterbide bat. Kontuan izan lasterbide horrek ez duela lehendik ekintzarik egin behar tresna horretan.

    • Egin klik Capture Hotkey (Kapturarako laster-tekla) testu-koadroan.

    • Sakatu Jingen pantaila geldi bat kapturatzeko erabili nahi duzun teklen konbinazioa.

    • Egin klik Clear Hotkey (Garbitu laster-tekla) aukeran, laster-tekla ezabatzeko.

Capturar HotKey

Jing instalatu duzunetik, ordenagailua abiatzen duzunean, programa exekutatzen da.

  • Hori ez gertatzeko, desaktibatu Launch on Startup (Abiarazi abioan) kontrol-laukia.
  • Halaber, Jingen eguzkia desagertzeko agindua konfigura dezakezu. Horretarako, aktibatu Hide the Jing sun (Ezkutatu Jingen eguzkia) kontrol-laukia.

Opciones de inicio

Zenbait botoi konfigura ditzakezu, zure kapturak webgune batzuetan konpartitzeko.

  • Egin klik Customize… (Pertsonalizatu…) botoian

Botón Customize

  • Hautatu New (Berria) beste botoi batzuk gehitzeko, edo egin klik zakarrontzian, jada gehitu den botoi bat ezabatzeko.

Añadir botones

  • Web 2.0-ko zerbitzuen zerrenda bat ikusiko duzu, eta erabiltzaile zaren horien artean hautatu ahal izango duzu.

Servicios web 2.0

  • Zure identifikazio-datuak idatzi beharko dituzu, botoiak behar bezala funtzionatzeko.

Jing. Informazio gehiago

  • Twitter microblogging-zerbitzua hautatu baduzu, egin klik Get Twitter PIN… (Eskuratu Twiterreko PINa) aukeran.
  • Gero, egin klik Allow (Eman baimena) aukeran, Jingi uzteko Twitterreko zure erabiltzaile-datuetan sartzen.

Acceder a Twitter

  • Identifikazio pertsonalerako gako bat lortuko duzu (PIN). PINa kopiatu eta Enter your PIN (Idatzi zure PINa) testu-koadroan itsatsi beharko duzu. Egin klik Authorize (Eman baimena) botoian.

Autorizar

  • Twitterreko zure erabiltzaile-datuak ikusiko dituzu. Egin klik Save (Gorde) botoian, botoi berriaren ezarpen hori gordetzeko.

Guardar configuración

  • Orain, konfiguratu duzun botoia Konpartitu (Share) botoien artean izango duzu, zure kapturak bistaratzean.

Botón Twitter

  • Aplikaziotik irteteko, erabili Exit Jing (Irten Jingetik) botoia.

Botón Salir

Jing. IKT hiztegia

  • Pantailaren kapturak: irudizko fitxategiak dira, eta pantailaren edukiaren argazkia dute, une edo egoera jakin batean hartua.

  • Bideo bidezko tutoriala: pantaila batean gertatzen diren ekintzak erakusten dituen filma. Saguaz eta teklatuaz zenbait ekintza nola egiten diren erakusteko erabiltzen dira, ekintza horiek hitz hutsez azaltzea askoz zailagoa baita.

  • Web 2.0-ko zerbitzuak: web-orriak dira, eta haien ezaugarri nabarmenena da erabiltzaileek sortzen dituztela edukiak. Adibide batzuk: YouTube (erabiltzaileek igotako bideoak), Flickr (erabiltzaileen argazkiak) eta Twitter (erabiltzaileek idatzitako esaldiak).

Laguntza

Laguntza
  1. Ezkerreko menua (goitik behera): ikastaroaren orrialde nagusiaren ikonoa (home), letra-tipoaren tamainaren ikonoa, modulua inprimatzeko ikonoa, laguntzarako sarrerako ikonoa eta edukiaren aurkibidearen ikonoa.
  2. Materialaren izena eta egungo atalaren izenburua duen barra.
  3. Nabigazio-geziak (hurrengo edo aurreko orrialdea).
  4. Edukiarentzako lekua.

Sortzailea:

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.

Guardar archivo

Guardar archivo

Guardar archivo

Guardar archivo

Instalar idioma

Instalar idioma

Abrir

Abrir

Cerrar ventana

Cerrar ventana