• YouTube

Munduko web-orri ospetsuenetako bat da. Lekua doan eskaintzen duen webgunea da, erabiltzaileek beren bideoak jar ditzaten.

Gaur egun, YouTuben, gai-mota eta kalitate-maila guztietako bideoak aurki daitezke. Hori dela-eta, baliabide interesgarria da ikasgelarako. Bestalde, nork bere gunea sortzeko aukera dago, bideoak igotzeko eta bete erabiltzaileekin konpartitzeko.

• Google Videos

Jatorrian, YouTuberen antzeko zerbitzua zen, baina Googlek YouTube erosi ondoren, enpresa horrek (YouTube) bideoak gordetzen espezializatzea erabaki zuen, eta Google Videos, berriz, jada argitaratutako bideoen bilaketan. Gaur egun, Google Video webguneak du Interneten argitaratutako filmen aurkibiderik handiena, eta zerbitzu horretako programatzaileak lanean ari dira, bilaketa eraginkorragoak egiteko aukera ematen duten tresnak garatzeko, bideoen edukia ere arakatzeko aukera eta guzti.

• Avidemux

Programa libre eta multiplataforma da, bideoak editatzeko eta prozesatzeko diseinatua. Aukera ematen du bideoak mozteko, eransteko, bideoei iragazkiak gehitzeko, formatua aldatzeko edo soinua eta azpitituluak lantzeko.

• Open Shot

Tresna librea da, Linux sistemetarako. Tresna horri esker, aukera dago hauek intuizioz egiteko: formatu askotako bideoak editatu, haien efektuak eta trantsizioak aprobetxatu, soinu-pista landu (abiadura- eta bolumen-aldaketak egin) eta beste aukera asko.