Erabilera adibideak

Erabilera-adibideak eta beste eragiketa batzuk

Puntu honetan Google Docs aplikazioak eskaintzen dizkigun lanerako aukeren berri izango dugu.

Dokumentu bat sortzeko egin klik Crear nuevo (Sortu berria) aukeran.

Goitibeherako menua agertuko da, aukera guztiak erakusten dituela. Egin nahi dugunaren arabera hautatuko dugu horietakoren bat. Hau da, zer nahi, hura hautatu: sortu dokumentu bat, aurkezpena diapositibekin, kalkulu-orria, formularioa, bai eta marrazkia ere.

Hori egin eta gero, dokumentu bat sortuko dugu, esate baterako, testu baten laburpena egingo dugu. Horretarako, egin klik Crear nuevo (Sortu berria) aukeran, eta, gero, goitibeherako menuan, Documento (Dokumentua) hautatu behar dugu.

Gure nabigatzailean orri zuri bat azalduko da, idazten hasteko aukera emango diguna. Testu-prozesadore honen funtzionamendua eta beste edozein testu-prozesadorerena oso antzekoak dira; esaterako, Windowsen Word edo Open Officeren Writter prozesadoreena. Ez ditu adierazitako horiek adina funtzio eskaintzen, baina horrek badu alde ona, errazagoa baita erabiltzen. Letra-mota eta kolorea alda daiteke, irudiak txerta daitezke, eta abar. Programak eskaintzen duen beste alde on bat da fitxategiak automatikoki gordetzen dituela. Hortaz, dokumentua amaitutakoan, gure nabigatzailean leihoa itxi besterik ez dugu egin behar, eta Google Docsen hasierako pantailan geratuko da gordeta.

Fitxategiari izena jartzeko, klik egin behar dugu goialdeko ezkerreko ertzean, Documento sin título (Izenbururik gabeko dokumentua) aukeran, eta leiho hau azalduko da: (izen berria sartu eta egin klik Aceptar (Onartu) aukeran).