Erregistroa. Google Docsen sartzea

B) Erregistroa. Sartu Google Docsen / Web-lokalizazioa

Aurreko puntuan azaldu dugunez, Google Docs “suite” informatiko bat da, sarean gordetzen dena, eta, horrenbestez, ez da inolako instalaziorik egin behar gure sistema eragilean. “Suite” horretan sartzeko baldintza bakarra posta elektronikoko helbidea edukitzea da.

• Erabili ahal izateko, esteka honetan sartu behar dugu: http://www.google.com/google-d-s/hpp/hpp_es.html

Hurrengo irudian erakusten denez, bi erregistro-modalitate daude. Gmail kontua baldin badugu, “Erabiltzen al duzu Googleren beste zerbitzurik?” galderaren ondo-ondoan klik egin behar dugu Accede aquí (Sartu hemen) aukeraren gainean, eta, programa erabiltzen hasteko, Gmaileko posta elektronikoaren helbidea eta pasahitza sartu eta tutorial honetako “C” atalean jarraitu besterik ez dugu. Gure posta-kontua Gmailena ez bada, klik egin Crear una cuenta (Sortu kontu bat) aukeraren gainean eta egin urrats hauek:

• Hemen, posta elektronikoaren helbidea sartu eta pasahitza hautatu behar dugu (pasahitza ez ahazteko, gure posta-zerbitzarian erabiltzen dugun berbera erabil dezakezu). Gero, eskatzen zaigun hitza sartu eta klik egin behar da Acepto crear mi cuenta (Onartzen dut. Sortu nire kontua) aukeran.

• Prozesu hori amaitutakoan, mezu bat jasoko dugu kontuan, eta helbide baten gainean klik egiteko eskatuko digu, kontua Google Docsen balidatzeko. Urrats horiek egin eta gero, aplikazioa “online” erabil dezakegu.